Меҳнат таътили даврига тўғри келадиган якшанба кунлари учун ҳақ тўланмайди.

Меҳнат таътили даврига тўғри келадиган якшанба ва байрам кунлари учун ҳақ тўланмайди. Байрам кунлари меҳнат таътилларининг давомийлигини белгилашда ҳисобга олинмайди.

Янглиш ҳисобланган суммани сторнолаш керак.

Маҳсулот (ишлар, хизматлар)ни ишлаб чиқариш ва сотиш харажатлари таркиби ҳамда молиявий натижаларни шакллантириш тартиби тўғрисидаги низомга амал қилишни тавсия этамиз.

Бухгалтерия ҳисоби қонунчилигига кўра тақсимланмаган фойдани таъсисчиларга дивиденд тўлашга ҳамда резерв фондини шакллантириш мумкин, ундан мукофот ва рағбатлантириш пулларини тўлаш кўзда тутилмаган.

Корхона томонидан бажарилган ишлар учун олинган даромаднинг неча фоизи иш ҳақини тўлашга йўналтирилиши лозимлиги ҳам қонунчиликда белгиланмаган.

Нафақани ҳисоблаб чиқариш учун ўртача кунлик иш ҳақи ўртача ойлик иш ҳақи суммасини вақтинча меҳнатга қобилиятсизлик рўй берган ойдаги жадвал бўйича барча иш кунларига бўлиш йўли билан аниқланади.

Вақтинча меҳнатга лаёқатсизлик нафақаси барча ҳолларда ходимнинг ҳақиқий иш ҳақидан ҳисоблаб чиқарилади.

Ходим айнан қайси санадан меҳнат таътилига чиқишининг корхона бухгалтериясига ҳеч қандай таъсири йўк.

Хусусий корхона мулкдори овқатланиш харажатларини қоплаш учун тўлаб берган пули корхона учун даромад ҳисобланиб, 9390 «Бошқа операцион даромадлар» ҳисобварағига олиб борилади.

Таътил пули ходимга жамоа шартномасида белгиланган муддатларда, таътил бошланишидан олдинги охирги иш кунидан кечиктирмай тўланиши лозим

Қонунчиликка мувофиқ болани икки ёшга тўлгунгача парвариш қилиш бўйича ҳар ойлик нафақани тўлаш бўйича харажатлар корхонанинг бошқа операцион харажатларига киритилади.

Меҳнат кодексига мувофиқ, сутканинг тунги вақтига тўғри келувчи қисмида меҳнат фаолиятини амалга оширишда унга ишнинг ҳар бир соати учун камида 1,5 баравар миқдорда ҳақ тўланиши белгиланган.

Корхонангиз қисқартирилган иш ҳафтасини жорий қилган бўлса, ушбу давр учун белгиланган меҳнат нормасини (иш ҳажми, соатлари) тўлиқ бажарган ходимларга ҳар ойда иш кунларининг сони ҳар хил бўлишидан қатъий назар иш ҳақини тўлиқ миқдорда тўлаши керак.

Президетнинг ПФ-5765 сонли Фармонига асосан ташкилотлари ходимларининг иш ҳақи оширилиши шарт. Бюджет ташкилоти бўлмаган корхоналарда иш ҳақи қонун ҳужжатларида белгиланган минимал миқдордан кам бўлиши мумкин эмас.